Famahaõ Moroi ba Hoho Nono Niha (2)

Friday, April 27, 2007
By nias

Mondrou’õ Fangewolo Buabua Fa’olomasi ba Wangoroma’õ Auata Watalifusöta ba Flali Falulu
(Mengembangkan perbuatan-perbuatan luhur yang mencerminkan suasana kekeluargaan dan kegotongroyongan)

datalau fahulõ fa’alasõkhi
tafaliolio ba wa’olomasi
wangoroma’õ tõdõ safusi
i’la’ila wa ya’ita no fakhai

akha ita hulõ zananõ magai
zi siwa hili oi zara fakhai
oi fakhai khõda zoya sibai
fakhai ita, we’e ba fa’iki

manõ ita me no zara fakhai
moroi yomo numalõ baewali
i’oroi wobanua ba ba nõri
fefu ita faga’a, fa’akhi

andrõ ba noro dõdõ nawõda
bõi tabõda ita walulusa
bõhõi gana’a fanolonia
bõhõi gokhõta famokai lala
he atõ ha ba li wamolala
hadia zinõrõ, fogao luaha

na sagafõkhõ, ba bõi bõdaisi
na lõ okhõta, be wa’abõlõ
dõnisi niha wolului atõ
fondrara dõdõ zi so sinaõgõ
akha ifohinaoma ma’õkhõ
aya’ayau sa’ae mahemolu da’õ

da’õ mege goroisa Wondrakõ
ba gõtõ ndra tuada furugõ
ha zi tebai, ta’ohe mbõ’õtõ
si lõ okhõta, tafalau mbõrõ

ba bõi e’esi wamasulõni
Uwu wondrakõ zame fangali
he ba gurifõ he ba wonowi
ba ma ba nga’õtõu ibe’e zi sõkhi

na fatõtõi, bõi hure wongi
bõi so khõu dõdõ famahõ’õsi
bõi larongo niha tou baewali
milau faondra, faoma mi’asiwai

da’õ mbõwõ zi fatalifusõ
faoma mangefa sala ba nawõ
da’õ goroisa nuwu Wondrakõ
famaehowumõ ba gulidanõ

ba na so zi mõi khõu mamalali
ana’a, fakhe ma ono mbawi
bõi andrõ hare ma si fabali
saoha gõlõu, ha bõrõ ifuli

ba bõi wõ amago’õ na furi
bõi be fangehera zamalali
me niha, hulõ zole baewali
so terigawa, so telõgu gõi

ba yae ziakhi si no murakõ
oroisa Zihai Uwu Mbara
bõi mamulõ mbõwõ masimasi
da’õ mbõwõ so’idanõ ndrekha
bõwõ si lõ ogo’õ he na lõkhõ
lõ falawu ba deu he motawa
bõwõ sokafu moroi ba nidanõ
bõwõ sonõri hulõ na’ua
da’õ wamauwu ndraono masimasi
ba famauwu zatua gamuata

ni’eri niha sambõ’ambõ tõdõ
ba nifobõwõ zi lõ okhõta
sau’a ni’o’ohe bõ’õtõ
sakhõmõ nifo’ambala

da’õ nihonogõi bauwu Wondrakõ
zi oi nirakõ ba nuwu ndrela
nifatohu mitou ba nga’õtõ
ni’oroi’õ mitou ba raha
tobali mõlimõli sinõngõni
tobali hoihoi olembata

moroi ba mbuku:
Hoho, Manõmanõ Nono Niha
So’atumbukha moroi ba Pancasila –
nifa’anõ S.W. Mendrõfa (A. Rozaman)

One Response to “Famahaõ Moroi ba Hoho Nono Niha (2)”

  1. 1
    Angenanoi Ziliwu Says:

    salau ba zinunga salau ba nakhe
    faigi gotalua zilô mate

Leave a Reply

Comment spam protected by SpamBam

Kalender Berita

April 2007
M T W T F S S
 1
2345678
9101112131415
16171819202122
23242526272829
30